رساله مفتوحه الي وزير الدفاع المصري

رساله مفتوحه الي وزير الدفاع المصري
يا حبيبتي كل شئ كان فيكي مات الايوسف
كل شيئ كان اكله العجاف الايوسف
كل شيئ كان خلاص بقي مستباح الايوسف
كل شيئ كان خلاص طرد الحياه الايوسف
وكان خلاص رص الشقاف وحصر كمان الرمل والحنه الايوسف
كل شيئ كان نهر وجف وعقله خف ريق انتف مهرجان من زمان كان طار وحط
مش بس كانت ضربه واحده تكفي ابليس اللعين علشان يموت
بس كان لازم ولا بد يوسف يضربه سته في تلاته
علشان يتوب يقرب من جفونك مره تانيه
يا ام يوسف يلي ربيتي وحضنتي دم يوسف قلب يوسف عقل يوسف وكفنتي بايديكي جسم يوسف وقريت فاتحه مرتين وشويه من سوره ياسين وربنا المعبود يا طاهره لاخلي يوسف زي عود الفل دايما عطره ساري في دمانا للابد
يوم حداشر الساعه خمسه الاخمسه طب وخمسه ولاه سته مش مهم الساعه كام المهم ياحبيبتي انه نام بس من ساعتها والحمام طار الحمام حط الحمام
يلي ماشي اجري وارمح اضحك وامرح ده خلاص الصبح فتح
تصدقي يا ام يوسف ان اول مره في حياه الخلق دول ان الفجر كان العصر صليناه جماعه
والان ياسيدي وزير الدفاع
مشهقول زي عمي نجم البتاع بقي في البتاع
لاهقولك اللي نج مصر بلدي من ويل واحلام الفراعنه من زمان كان اسمه يوسف
يوسف اللي قالوا عنه انه خط ده خلاص في السجن اتحط
مبقاش له لازمه يعني من غير الشراب ده بس جزمه
طلعلهم فجاءه السجين من سنين اللي كان عايش عواله
في كل يوم بالليل اهانه والصباح زي النباح برضه اهانه
فتره بيقضيها مسحون ومحروم وبعدها قال ايه ده هيبقي (مسجل خطر)
وقجاءه من جوه جوه الحلم قالوا هينقطع المطر ونعيش عواله
بس هس يوسف اصله كان هناك واحد فقط
وعداهم بكل شهامه سنين سبعه عجاف وسوي بين كل(القبط)
طيب ياوزير الدفاع وان كان هنا فيه الف يوسف لاء لاء لاء الف ايه دول مليون يوسف لالالالالالالا دول اكتر من كده بكتير قوي
طب وان كان الشعب كله والجيش كمان دول يبقوا يوسف
يبقي فيه ريحه خطر؟ لا ورب العزه لاء دا ده يبقه بعينه البطر
اديهالهم وشوف بقه بعينك هنعملوا ايه؟
ان مكناش الفساد نمحقه زي التتر
ان مكناش ننشي عداله ونعلموها لكل انواع البشر
ان مكناش نكون في السما كل حبات المطر
ان مكناش نصون الدين ونحمي العرض وتراب الوطن
ان مكانش كل جاحد يموت في جحره من كتر الكدر
طب ورب الكون ياطنطاوي يا وزير الدفاع لنكون في فمتوثانيه من بتوع اونكل زويل الامرمصراوي
جيش لخالد سهم سعد وسيف ابن عامر ودواوين الفاروق وبرضه في حنيه الصديق علي كل البشر .
شكرا لوزير الدفاع علي سعه صدره وحلمه
وشدي حيللك وافرحي يا ام يوسف كلنا بقينا يوسف
ومش حنفتن النساء بس هنتجوزهم ونستتهم
شكرا لكل مصري مسلم مسيحي علي حبه لمصر مني الف سلام سلاح تحيه لكل شهيد.
واحد من مصر
25-1-2011-----11-2-2011------سته في تلاته
عمر شباب مصر الحقيقي